近期日本一間餐飲支援公司對全國 400 名、近三個月曾喺 Instagram 睇過餐飲帖嘅 20–59 歲受訪者做了一項調查，主題係：你究竟信邊類食貨照。
最矚目嘅發現，係分唔分得出 AI 照。受訪者被要求喺 4 張真照同 4 張 AI 生成嘅食物照（共 8 張）揀出 AI 嘅，逐張睇嘅話，AI 照有 23–48% 被識破，比真照（8–22%）高；但要 8 張全睇啱嘅「完全見分」者，只係 1.5%，即接近九成九（98.5%）人幾乎分唔出邊張係 AI 畫的。
調查亦問，當你發現一盤菜嘅食貨照係 AI 生成，你會點做：56% 會先揾客人帖、真實照片核實先決定去唔去；21% 直接放棄；12% 唔理照去。對該店嘅印象，48% 會變差，28% 變好；識破兩張或以上 AI 照嘅人中，變差嘅升至 62%。
另外，受訪者喺 IG 睇後將某店剔出候選人嘅有 86%，原因首位係「見價貴」（36%），「照片同實物有差距／過度加工」同「冇想食嘅菜」各佔 22%，「照片太舊太少」19%。想餐廳喺 IG 載嘅內容，59% 要「見得價錢嘅菜單照」，29% 希望店方引用客人帖。
調查侷限：400 人樣本、未含訪日外國人及 60 歲以上、AI 照係公司自製，結果會隨照片選用而變。
放假君批假：AI 食貨照已經假到好似個真嘅，與其研究點辨認，唔如直接睇「有冇實際到店嘅人拍過」—— 客人照就係嘅。
放假君｜日本正經
