《新世紀福音戰士》(エヴァンゲリオン) 30週年紀念展「ALL OF EVANGELION」定喺2026年10月18日（日）至2027年1月11日（月・祝），喺大阪枚方公園（ひらかたパーク）Event Hall舉行。展會期間有休館日，入場時間10:00–17:00，最後入場16:30；10月18日首日只有指定日時入場。睇展唔使買枚方公園入場票。
京阪電車（京阪電気鉄道）為配合本展，喺10月18日起推出一連串聯乘，重點以下：
兩種紀念車票（數量限定）
- 片道券套裝（5張）：特製ticket holder，5張京阪線單程票（片道550日元區間，除大津線），硬紙「硬券」設計。售價3,000日元（含税），限定1,500套。
- 一日通票（free ticket）：主視覺設計，1日內京阪線全線（除大津線）同石清水八幡宮參道纜車自由乘搭。售價2,000日元（含税），限定3,000套。
銷售地點：京阪電車 淀屋橋、京橋、丹波橋、三條各站。首日（10月18日／12月1日）各站10:00開始賣。
特別裝飾列車
13000系1編成，車門貼紙＋headmark＋車內吊掛海報，運行喺京阪本線・鴨東線（淀屋橋～出町柳）、中之島線（天満橋～中之島）。運行期10月18日至2027年1月11日（予定），按正常定期列車運行，部份日子因車輛安排唔運行。
紀念蓋印之旅（5地點）
走京阪電車・叡山電車沿線5個點：京橋站、出町柳站、貴船口站、SANZEN-HIROBA（くずはモール內）、枚方公園。集齊後到枚方公園Event Hall可領特製原創貼紙。台紙設置喺中之島、淀屋橋、天満橋、京橋、守口市、寢屋川市、枚方市、樟葉、中書島、丹波橋、三條各站及SANZEN-HIROBA。
正經一句：車票係限量，首日10:00先開賣；10月18日首日展會只有指定日時，買展門票時留意。
主辦：京阪電車；企畫：朝日新聞社、ムービック・プロモートサービス、ムービック；協力：MBSテレビ。
放假君｜日本正經
