半田Crown World 2樓遊戲中心將大幅增設「夾到即得」嘅鈎式夾娃娃機，零食、杯麵、面紙都玩得拎回家。
愛知縣半田市「半田Crown World」（半田コロナワールド）2樓嘅遊戲中心「Game 半田Metropolis」（ゲーム 半田メトロポリス），將於2026年10月30日（星期五）完成翻新重新開放。
今次翻新嘅重點，係大幅增加可抓取日常用品嘅「鈎式夾娃娃機」（フック型クレーンゲーム）。呢類機台同傳統夾娃娃機唔同：機械臂末端個環掛到鈎上，即確認可以攞走獎品，唔使估佢夾夾就鬆手。獎品方面以生活雜貨為主，包括零食、飲品、杯麵、面紙等日常用品，官方主題係「玩得開心、帶得開心」。
經營方株式會社Crown World（本社位於愛知縣小牧市，代表董事社長為室橋義隆）表示，希望為帶小朋友嘅家庭、朋友出遊、以至揾日常用品嘅客群，提供一個輕鬆可到店嘅空間，成為當地街坊休閒好去處。
店舖資料
- 店名：半田Metropolis（ゲーム 半田メトロポリス）
- 地點：愛知縣半田市「半田Crown World」2樓
- 營業時間：平日 10:00–23:00；星期六、星期日及公眾假期 9:00–23:00
正經一句：半田位置偏靜，如果你順道行愛知，不妨排入行程，玩完仲可以夾返啲零食麪紙回酒店，荷包同手腳都唔會太累。
放假君｜日本正經
