JR東日本「えきねっとQチケ」（QR碼車票）11月1日起擴展至全區。呢個服務嘅重點，係就算係Suica區域以外出發、或者新幹線同在來線搭埋一齊嘅混合行程，都唔使喺車站攞票，直接以乗車用QR碼掃碼上車。
目前「えきねっとQチケ」已喺東北地區同東北新幹線運行。11月1日新增服務嘅範圍，係上信越地區（包括上越・北陸新幹線）同首都圈全區。由此，JR東日本管內全線均可使用。
以下路段唔包括在內：JR東日本BRT、気仙沼線前谷地〜柳津駅間、以及巴士代運行路段。此外，「えきねっとQチケ」唔可以同其他乗車券、IC卡、定期券或紙張車票合併使用。
購票方面，申請喺乗車日前一個月嘅上午10時（日本時間）開放，亦可透過「えきねっと事前受付」（EkiNet預售系統）提前辦理。
阿經計過：如果你嘅行程涉及上越・北陸新幹線，或首都圈去東北嘅長途混合票，11月1日後可以考慮用「えきねっとQチケ」省返排隊攞票嘅時間。但要注意，佢唔包括BRT同巴士代行路段，出行前確認你嘅行程範圍先至穩陣。
阿經｜日本正經
