木村屋總本店11月推狸貓焦糖麵包たぬきくん

明治二年（1869年）創業嘅老字號麵包店木村屋總本店，11月加推一隻瞪住大眼嘅狸貓麵包「たぬきくん」，內包焦糖奶油同朱古力碎，只賣一個月，想帶返香港送人嘅記低個時限。

官方嘅講法係11月天氣轉涼，適合同熱飲配甜嘢，又正正配合11月8日嘅「信楽たぬきの日」（信樂狸貓節），所以將呢只小獸搬上面包做主題。

造型上，朱古力風味嘅麵團做出眼部圖案，再繪上兩粒圓睜嘅大眼，係典型日式「かわいい」路線。內裡包入厚身焦糖奶油同朱古力碎（チョコチップ），官方形容焦糖嘅甜濃感同朱古力碎嘅甜香交疊，由小朋友到大人都適食。

木村屋總本店11月推狸貓焦糖麵包「たぬきくん」，關東近郊24間直營店11月限定 圖片：日本旅遊｜PR TIMES 百貨便利店

點樣攞到呢只「たぬきくん」

發售日：2026年11月1日（日）
發售期：2026年11月1日至11月30日（月），只賣一個月
網店預約：2026年10月28日（三）16:00起可於官方網店開始預約（https://kimuraya-net.jp/shop）
實體發售：關東近郊24間直營店（百貨公司店同車站店），分佈喺東京、神奈川（橫濱、町田、玉川）、埼玉（浦和、大宮）、千葉（浦安、船橋），包括上野松坂屋、銀座三越、新宿伊勢丹、池袋西武、東京大丸、橫濱高島屋、町田小田急、池袋東武、日本橋高島屋、吉祥寺アトレ、新宿小田急、上大岡京急、新宿京王、浦和伊勢丹、羽田第一/第二航站樓機場店、大宮エキュート、巢鴨同大森嘅直營「木村屋スタンド」、浦安アトレ、船橋東武百貨。
注意：銀座本店並不會銷售此款。