九州唔只福岡，深埋喺佐賀縣神埼市嘅國之名勝「九年庵」，今個秋天再次對一般公開。呢個庭園可以俯望神崎市街、筑紫平原同有明海，11月嘅紅葉令紅楓、青苔同茅草屋頂構成強烈對比，係佐賀嘅秋景。
公開日期：2026年11月14日（六）至11月29日（日）
公開時間：上午8時至下午4時
地點：佐賀縣神埼市神埼町的（Yukuwa）仁比山（Niiyama）
入場費：1,000日圓（高中生以上）；持殘疾人士手冊或指定難病醫療受給者證者可免費；縣外在住者可以透過現地結算型故鄉納税，每人捐4,000日圓入場。
行入去有咩玩：
- 嬉野茶奉茶：11月14日至23日喺仁比山神社境內；11月24日至29日喺九年庵內，配老舖和菓子（需另外購買）
- 演奏會：11月14日至29日，每日上午11時及下午2時各一場，涵蓋赤熊太鼓、篠笛、爵士、手風琴、管絃樂團、橫笛及薩克斯風等多個類別
- 秋日小食攤檔：烤番薯、和式甜品、Baby Castella、蘋果糖等，每日由3至4家輪流擺檔
- 佐賀銘菓：高橋餅本舗福屋、大原老舗佐賀、甘陣屋三家本地老舖出展
交通：JR長崎本線神埼站出發，乘計程車或路線巴士約10分鐘；長崎自動車道高速神埼巴士站下車步行約15分鐘；長崎自動車道東脊振IC出發車程約10分鐘。
停車：舊神埼温泉酒店跡地臨時停車場（500日圓）；週六日及公眾假期另有吉野ヶ里公園臨時停車場（500日圓），有免費穿梭巴士來往。
去年有4.6萬人前往，想行遊九州紅葉嘅話，呢個時間唔錯過。
放假君｜日本正經
