餐飲集團ニラックス株式會社宣佈，旗下串揚自助品牌「くし葉」第三間分店，將於2026年12月15日（星期二）喺靜岡市嘅新靜岡セノバ（Shin-Shizuoka Senoba）正式開幕。
「くし葉」嘅最大賣點係將油炸鍋設喺顧客枱面前，客人可以按自己嘅口味同節奏，自由揀選食材並即時喺枱面前進行油炸。官方強調呢種「体験型」餐飲模式，能確保食物喺最熱辣、最新鮮嘅狀態下出鍋，帶嚟「揀選・油炸・製作」嘅多重樂趣。除咗串揚主菜，食後仲可選用甜品串，或親手製作DIY甜甜圈，滿足多層嘅味蕾需求。
新分店設96個座位，營業時間為11:00至22:00，地址位於靜岡県靜岡市葵區鷹匠1丁目1-1新靜岡セノバ。營運商ニラックス株式會社總部位於東京都武蔵野市，專營大型商場內自助餐及食品廣場業務。
正經一句：12月中旬去靜岡嘅話，呢間新店可以列入行程，體驗自己揀、自己炸嘅串揚自由。
荷包姐｜日本正經
