想去長野玩酒莊嗰啲人留意：上田市同東御市聯合開辦嘅周遊巴士「ワイナリーラインうえだ・とうみ」（Wine Line Ueda・Tomi），由2026年10月3日（週六）至11月23日（週一・法定假日）期間限定試點運行，星期三除外。
呢條巴士以信濃鐵道田中站南口為起點同終點，一日四班（朝早兩班、下午兩班），串聯千曲川沿線上田市、東御市嘅酒莊同觀光設施。各站可以中途下車，自由組合行程，唔使預約，先到先得。
停靠點
- 信濃鐵道田中站南口
- シャトー・メルシャン椀子ワイナリー（上田市）
- リュードヴァン、のらのらふぁーーム＆ワイナリー（東御市）
- ワインテラス御堂（東御市）
- ヴィラデストワイナリー（東御市）
- 湯楽里館・ワイン＆ビアミュージアム（東御市）
車費
- 平日：單程300日圓、一日券500日圓
- 週末同法定假日：單程500日圓、一日券1,000日圓
- 小學生以下半價
- 只收現金，一日券喺車上攞
呢條線係用長野縣住宿税市町村交付金資助嘅試點項目，目標係用公共交通串聯原本要靠私家車先至搞得掂嘅各酒莊，俾人唔使理會開車，慢慢飲酒、慢慢睇風景。
10月6日（週二）正午12:15喺田中站南口廣場有出發儀式。詳情可以問東御市商工観光課 観光係：0268-64-5895、[email protected]。
阿經一句：呢條線只行上田、東御一帶，唔係去東京、大阪嗰啲大眾線路，想玩酒莊先至考慮。日期寫清楚喺度，11月23日收。
阿經｜日本正經
