Peach Aviation（樂桃航空）品牌更新，客室乘務員 10 月開始着新制服。舊嘅制服布料並冇直接棄掉，而係同可持續材料品牌「NUNOUS」合作，把舊制服剪開分層疊製成商品，10 月 16 日下午 1 時（日本時間）起限量發售。
兩樣新嘢：
Peach Memorial Canvas（限量 100 件，35,000 日圓，税後） 利用「NUNOUS」技術，將舊制服（外套、襯衫、裙、絲巾）剪裁成層狀再疊合定型。因各層布紋不同，每件呈現出唔同嘅大理石紋，全數為獨一件。
Upcycle Flight Tag（2,000 日圓，税後） 飛行吊牌，正面用 10 月起着嘅新制服布料，反面用舊制服未着用過之外套布料，兩面分別繡上創業初期 logo 及現行 logo。
Peach 表示，希望將制服由單純丟棄，轉化為保留回憶嘅特別形式，故商品化。售賣渠道為官方線上商店「Peach SHOP ONLINE」。
數量極有限（帆布僅 100 件），售完即止。想入手嘅，記得盡早睇。
正經一句：呢類限量商品喺日本嘅航空公司周邊市場並唔罕見，但布料來源真係真貨，冇乜洗腦味，純粹係「舊制服變收藏」嘅玩法。
阿經｜日本正經
