9月11日，位於東京渋谷區神南1丁目「勤労福祉會館」（渋谷區神南1）1樓嘅「Shibuya well-being Lab.（渋谷ウェルビーイング・ラボ）」正式開放。呢間新實驗室以「Snoezelen」為核心，結合光、聲、香氣、震動等感官刺激，專為都市成年人提供徹底放鬆。
Snoezelen係1970年代喺荷蘭發明嘅一種休息方式，原初為重度智能障礙人士設計，透過精心調配嘅感官環境幫人放鬆。呢個實驗室將呢種理念帶入普通成年人生活，目標係幫「打工大人」由頭到腳真正慢落嚟。
實驗室內分四個區域：
- Ukaba（浮）：設兩間房。多感官室有舒適座椅同燈光音樂；沉浸式數字感官室用投影機將影像投射滿四面牆，配合風、震動、聲音，令人有種走入畫入面嘅感覺。
- Sunaba（沙地）：鋪人工草皮，可以郁下身體、玩下遊戲。
- Toiba（土間）：透過提問同討論深化思考嘅空間。
- Kotoba（言葉）：將體驗轉化為構思、計劃同創作嘅空間。
目前主要開放畍喺實驗室參與工作坊或活動嘅人士。10月起，每月第二個星期六為對well-being有興趣嘅企業安排體驗之旅，同時接受共同開發計劃及產官學民示範項目嘅參與。
入內需事前預約。目前尚未公佈具體開放時間、休息日及收費詳情，建議出發前向管理方確認。
正經一句：去之前記得查清楚開放時間，唔好撲空。👀
放假君｜日本正經
