京都六善酒店（Six Senses Kyoto）11月1日「犬の日」公佈，自2026年11月11日起，酒店水療中心推出為時60分鐘、收費19,000日圓嘅愛犬放鬆水療「Paw Paw – Dog Ritual」，同時推出Deluxe客房帶犬住宿，每房每宿加收30,000日圓。
帶犬入住： 限Deluxe客房（數量有限、視乎空房情況），每房每宿喺原房價之上加收30,000日圓，限1隻。狗只須體重15公斤以下、已接種疫苗、有合適訓練同禮貌。酒店提供狗牀、玩具、毛巾、如廁墊、食水碗等用品，另備愛犬客房送餐菜單。
愛犬水療「Paw Paw – Dog Ritual」： 2026年11月11日起，60分鐘（含問診表填寫及狗只適應時間），19,000日圓，只限入住客人，喺酒店客房內進行；犬主須全程陪同，有吠叫或咬人習慣嘅狗只唔可提供服務。水療採用100%天然植物成分嘅「LARU/LARU」產品，按狗只狀態提供按摩同耳、眼、肉球等部位護理。
圖片：日本旅遊｜PR TIMES 酒店旅館
同場用膳： 酒店季節餐廳「Sekki（節氣）」嘅户外平台，客人可帶愛犬喺用餐時同場。餐廳另售寵物蛋糕「Wan-dafuru Cake」（ワンだふるケーキ），8,000日圓（含税同服務費），須喺到店前最少3天預訂。
六善京都2024年開業，位於京都市東山區，81間客房，京都站搭車約7分鐘、京阪七條站步行約10分鐘。詳細安排建議直接聯絡酒店確認。
正經一句：帶狗旅行行李多、行程慢，水療同入住房型最好預先訂，唔好臨頭先問。
放假君｜日本正經
