「飛常想去」：JAL集團旗下嘅低成本航空 Spring Japan（スプリング・ジャパン）今日（10月26日）透過官方新聞稿宣佈進行品牌全面更新，涵蓋公司 Logo、飛機塗裝、機場設施同官方網站。呢次係公司2014年開航至今12年嚟嘅重要一步。

新Logo點樣變

新設計以綠色同櫻粉色為基礎，保留公司一直嘅「3S」標誌（安全 Safety、誠意 Sincerity、微笑 Smile），新加入代表「JAPAN」嘅「J」，並復活初代 Logo 嘅櫻花元素。字體由過去嘅明朝體改為黑體，強調現代感同柔和曲線。官方 Tagline「FLY WITH SMILE」維持不變。

新飛機塗裝

新塗裝喺保留尾翼原有輪廓基礎上，由機頭一體設計，融入「温暖嘅春風」同「飄舞嘅櫻花花瓣」元素。首架採用新塗裝嘅飛機編號 JA05GR，預計 2026年內 投入營運。

機場同網站

Spring Japan 品牌更新：新Logo新塗裝飛機2026年內登場 圖片：Masakatsu Ukon／CC BY-SA 2.0／Wikimedia Commons

新設計會由成田機場開始，逐步擴展至各地機場；官方網站嘅新設計則喺 12月後 陸續上線。

高層講乜

董事長王煒同代表董事社長淺見達朗喺品牌更新專設頁面各自發表信息。王煒稱呢次更新係次個成長階段嘅「重要一步」；淺見則強調更新唔單止係 Logo 同塗裝，而係全公司追求「令人心跳嘅空中旅程」嘅決心表態。

品牌設計由 FARVE（代表設計師永易直樹）負責。

阿經計過

新塗裝機2026年內登場，如果你打算搭 Spring Japan 去日本，留意到時可能係新舊塗裝並存嘅過渡期。

阿經｜日本正經