東京目黒區上目黒有間開了約66年嘅街區澡堂「大黒湯」（Dai-kuroyu），原本已經決定結業，但今回喺野村不動産ソリューションズ（Nomiura Real Estate Solutions）穿針引線下，由株式會社堀田湯接業，更名「堀田湯 上目黒」，計劃今冬（2026年冬）重開，繼續以澡堂形式營業，唔係轉做住宅或停車場。
呢單唔普通喺邊
厚生労働省《衞生行政報告例》（2024年度）紀錄，日本全國「一般公眾浴場」現存2,730處，半個世紀之間已消失逾八成；東京都內更跌至約400間。不少結業銭湯嘅建築會被拆卸改作他用，今次呢單接業正正係「讓街區澡堂唔熄燈」嘅具體示範。
改動咩、保留乜
- 保留：宮造瓦頂、入口黑松（黑松同時用作新設施標誌）、浴室玻璃、更衣室格柵天花
- 新增：sauna、露天池（露天風呂）、冷水池（水風呂）、室內外氣浴空間
- 目標：既維持日常入浴功能，亦設為可逗留、放鬆嘅空間；新區細節營運方表示開業前會逐一公佈
目前改建工程進行中。
各方講法
堀田湯代表取締役堀田和宣稱會延續西新井本店「この街を、温める。」嘅理念，在大黒湯累積嘅街區記憶之上繼續發展；前當主幸田栄一感謝街坊多年光顧，並希望新「堀田湯 上目黒」可以繼續得到街坊親近。
實用資料
- 新名：堀田湯 上目黒
- 舊名：大黒湯
- 位置：東京都目黒區上目黒
- 開業：今冬（2026年冬），具體日期待正式公告
- 接業方：株式會社堀田湯（1942年於西新井創業）
- 橋樑方：野村不動産ソリューションズ
放假君｜日本正經
正經一句：想行去泡湯嘅話，開業日期、時段同收費未見正式公佈，留意官方後續消息先安排行程，唔好憑傳聞估時。
