愛知縣豐川市嘅豐川稲荷（Toyokawa Inari Shrine），今個11月要進行72年來首次嘅御開帳，時間係2026年11月1日至23日。配合呢個罕有安排，東三河8市町村嘅DMO機構「ほの國東三河観光ビューロー」同豊橋鉄道搞咗兩個配套：一個係11月10日嘅一日參拜巴士團，一個係由10月1日至12月15日嘅秋日集章ラリー。

參拜巴士團：11月10日，25人先至有

巴士團全名「豐川稲荷御開帳と鳳來山東照宮・普門寺特別拝觀ご利益めぐり」，由豊橋鉄道企畫同實施，25人限定、最少催行人數20人，每人11,000円，大人同小人同價，已包含午餐、參拜費同導覽費。

行程係：

  • 豐橋駅8:10出發
  • 鳳來寺山賞楓、鳳來山東照宮「御宮殿」特別拜觀
  • 喺和食處松屋食「豐川稲荷壽司」，係文化庁認證嘅100年フード
  • 豐川稲荷御開帳拜觀（本殿・法堂・萬堂）
  • 普門寺（「豐橋嘅紅葉寺」）——國登録有形文化財本堂御本尊御開帳特別拜觀
  • 18:00返到豐橋駅前

名額淨係25個，想參加要趁早。

秋日集章ラリー：10月1日至12月15日，14個景點

「ほの國東三河 道の駅＆文化財めぐり 秋のスタンプラリー」涵蓋東三河8市町村合共14個點，包括豐川稲荷喺內，其餘主要係各地嘅道的駅（公路驛站）同文化設施，分佈在設楽町、豊根村、東栄町、新城市、豐橋市、田原市、豐川市同蒲郡市。

獎項：

  • 金賞：集滿11個章，獲5,000円等值道的駅精選禮品
  • 銀賞：集滿7個章，獲3,000円等值道的駅精選禮品
  • 銅賞：集滿3個章，獲2,000円等值道的駅推薦產品

主辦單位係「ほの國東三河観光ビューロー」，日本自動車連盟愛知支部合作。

放假君批假

御開帳23號就完，巴士團11月10號先有，想參加嘅話記得即刻睇名額。集章ラリー由10月1號已經開跑，12月15號截止，喺東三河開車自駕嘅話順道集章都唔錯。72年先有嘅嘢，錯過要再等。

放假君｜日本正經