計劃去湯布院浸温泉嘅你，多了一個新選擇。明海集團宣佈，佢哋會喺大分縣由布市（湯布院地區）開一間新住宿設施，預計2028年春開業。
呢間新設施預計設有21個客房，規模唔算大，但正正適合想細心享受湯布院温泉同四季景觀嘅旅客。設計由株式會社計劃技術研究所及株式會社田山建築環境計劃負責，施工則由株式會社鴻池組承接。
湯布院素來係日本有數嘅温泉觀光地，四季分明，吸引大量國內外旅客。明海集團指出，希望能透過呢個項目，將湯布院嘅魅力帶畀更多人，同時支持當地旅遊發展。
至於具體概念、服務內容同預訂時間，公司表示會待定案後再公佈。建議大家留意官方最新消息，一有預訂通道開放，記得預早安排行程。
放假君｜日本正經
