ZIPAIR Tokyo 喺10月8日正式啟用 AI 亂流預測系統，將 BlueWX 提供嘅「AI 亂流預測」嵌入 M&A 嘅航空天氣服務「3DARVI」，飛行員而家可以按高度同預測時間查看 AI 估算嘅亂流風險，配合既有天氣同航空資料，一站式掌握飛行路線同高度嘅運作判斷。
BlueWX 呢個系統靠深度學習技術，分析數值天氣預報、氣象觀測數據同飛機上收攏嘅亂流資料，估算亂流發生風險。開發期間經咗數千名飛行員同運航管理者約4年嘅試用，逐步提升預測精度同可靠性。
M&A 嘅「3DARVI」係一個航空天氣系統，可以喺同一畫面檢視影響航班嘅天氣同飛行計劃，用3D視覺化呈現天氣現象，快速辨認飛行路線上嘅危險天氣。
正經一句：呢個係機上運行安全嘅技術更新，同乘客直接體驗冇大分別，但坐飛機唔避亂流，安全帶扣好先係正經事。
阿經｜日本正經
