2026年10月25日，サイクリングしまなみ2026（單車之旅·島嶼2026）喺瀬戸內しまなみ海道（西瀬戸自動車道）舉行，是項由廣島縣、愛媛縣、尾道市、今治市、上島町等組成嘅大會執行委員會主辦，兩年一屆，國內外約7000人參與。

賽道設8條，長度約30至140公里。尾道側嘅起訖點喺向島運動公園（尾道市向島町），途經今治市廣小路嘅單向約70公里賽道，以及於上島町岩城島折返嘅往返約70公里賽道。今治側今年首次有以氫能發電駕駛嘅「氫能單車」（水素自転車）出場。

大會期間，普段單車不能駛入嘅高速公路西瀬戸自動車道本線將設交通管制開放予參賽者。大會當日（25日）しまなみ海道及周邊道路會有交通限制，如正打算喺該區域單車遊、行島嘅朋友，要注意路網安排。

24日為參賽者報到日。報到處位於尾道車站前，鄰近24及25兩日會舉行「グルメサミットin尾道」（美食嘉年華@尾道），集結しまなみ海道、みなみ街道沿線同備後地區嘅美食。23至26日期間，廣島縣內部分觀光設施及商店會為大會參與者提供入場費折扣等優惠。

需要留意：第30號颱風正接近中，截至21日尚未宣佈取消；若最終取消，將喺24日傍晚或25日凌晨4時左右喺官方網站及社交媒體通知。

放假君批假：打算去行車、行島嘅，行程唔好卡喺25號嗰日西瀬戸自動車道一帶；24號有得食嘅，可安排喺尾道車站附近。

放假君｜日本正經