打算去北海道自由行的朋友留意，由10月5日至18日，北海道內13間巴士公司聯合運營嘅「ラクトクバス13」推出「高速バス無料でいいじゃん！キャンペーン」，抽選派100張免費往返巴士車票。

點樣申請 每人限一次，填寫網上表單、揀想行嘅路線後提交。中獎者會喺11月中旬收到電郵通知，之後由郵寄送達招待券。上車前要致電或到櫃枱預約，將招待券換成車票。

範圍 共11條線，以札幌為起點，包括函館、帶広、釧路、北見、網走、紋別、名寄、遠軽、ウトロ、旭川，另加旭川〜紋別線。每位中獎者限本人使用，且只可選同一線往返。

使用期 2026年12月1日至2027年5月31日，唯以下兩段唔得用：

  • 2026年12月26日至2027年1月3日
  • 4月29日至5月9日

高速「旭川號」則毋須預約。

中獎概率雖然唔高，但填個表唔費錢，值得試。