東京車站出左閘唔使行路，KITE 地下1樓「東京 City i Performance Zone」11月1號（週日）至3號（週二・祝日）有場岩國市特產品快閃「IWAKUNI、まるごとTASTE」，概念係「未認識嘅岩國，咬一口就知」。岩國位處山口縣東部，呢三日就係佢哋成個市嘅特產、飲食文化、傳統同歷史一煲端上嚟。

食：限定菜式同特產試飲

場地旁邊嘅「Tokyo City i CAFE by PRONTO」10月21號（週三）起開賣限定菜式，一直供到11月3號：

  • 岸根栗同岩國蓮藕黑松露 Carbonara：935日元（含税）
  • 岸根栗馬龍拉泰：550日元（含税）

岸根栗係和栗最大級之一，喺岩國市美和町一帶收成，收成期短，即使係當地都難買到。另外場內會售賣「いわくにmade」系列紀念品、下酒菜「つまんでちょんまげ」系列，同雁木、五橋、金冠黒松、金雀、獺祭等清酒，部分有試飲試食。

玩：兩日限定體驗

  • 11月1號（週日）限定：篆刻體驗，由岩國篆刻會合作，3,000日元刻一字嘅篆刻印（1.2cm見方），約30分鐘，11:00–19:00 隨時報名，材料用完即止；小學生以下要保護者陪同一齊。
  • 11月3號（週二・祝日）限定：岩國產天然木手作杯墊／鍋墊體驗，講師係由北九州移居岩國嘅美川木工㈱ 郡司掛，1,000日元杯墊兩件組／2,500日元鍋墊，只收現金，11:00–18:00。

三日都可以行嘅有「護照」蓋章遊戲（場內5個位蓋齊免費換贈品，先着200人）、岩國城主吉川家兜（複製品）穿戴拍照位，同11月3號岩國市觀光大使「はぁすちゃん」（荷花精靈吉祥物）嘅問答遊戲。

岩國市官方公告事件內容有機會無預警更改，出發前留意官方更新。

放假君｜日本正經