NEXCO 西日本（西日本高速道路株式會社，大阪市北區）9月30日發新聞稿，公佈令和8年度下半期，即 2026年10月至2027年3月嘅大規模高速公路工事管制計劃。
呢個名單主要收錄三類：一日以上嘅終日封閉（終日通行止め・終日閉鎖）；同一交流道之間實施 30日或以上嘅夜間封路、對面通行規制、終日車道規制同車道收窄規制；以及預期會造成嚴重交通影響嘅其他管制。具體地點同安排詳見 NEXCO 別添資料，會隨時喺公司官網或工事專用網站更新。
有幾點要留意。其一，呢個計劃以 2026年9月末時點為基礎，可能因相關機構協議等而變動。其二，除資料特別標明「※交通混雑期も工事規制を実施」者外，交通高峰期（黃金週、盂蘭盆節、年末年始）原則上不實施工事管制。其三，九州道・南九州道可能因熊本地震復舊追加管制，災難發生或緊急修繕時亦可能額外實施長期管制。
對駕車或包車遊西日本嘅港客嚟講，唔好憑舊資料盲標日期，出發前一定要查 NEXCO 西日本官網最新交通情報，預留改線或調整行程嘅空間。
阿經｜日本正經
