札幌市中央區嘅都市型水族館「AOAO SAPPORO」（札幌市中央區南2西3）即將推出新會員制度「道民水族館クラブ」（どうみんすいぞくかんクラブ），11月1日開始發售。

呢個會員係將現有「水族館クラブ」全年無限次入場票以道民優惠價出售，一買一年通睇。但注意：呢個係道民限定，購買時需出示北海道居住證明，港客冇份。

會員分三個時段：

  • あおあお會員（10:00–21:00 全時段）：高中生以上 4,800圓、小中學生 2,400圓、未就學兒童 600圓
  • にちにち會員（10:00–17:00 日間）：高中生以上 3,600圓、小中學生 1,600圓、未就學兒童 400圓
  • よなよな會員（17:00–21:00 夜間）：同日間價

現行（非道民優惠）全天年票為高中生以上 9,000圓，道民價約為現價半價。會員另享體驗活動優先報名、館內「シロクマベーカリー＆」部分餐單優惠，以及商業設施「moyuk SAPPORO」指定店舖折扣。年票喺館內4樓入口處發售。

打算去 AOAO SAPPORO 嘅話，正常買票入場就得，唔使心癢住住北海道買呢張道民年票；11月北海道好凍，厚衫先係正解。

放假君｜日本正經