日本航空公司 SkyMark（スカイマーク）由10月25日起，將登機截止時間（搭乗締切時刻）統一改為「航班起飛時間前10分鐘」，截止時間過咗就唔畀登機。
呢項調整係日本定期航空協會（定期航空協會）同會員航空公司共同推動、為確保航班準點率嘅一環。協會除呼籲各航空公司遵守自身設定嘅登機截止時間外，亦正檢討同相關嘅各項截止時間安排。
SkyMark 解釋，機票同指示牌上嘅「起飛時間」，係指「機門關閉、飛機開始移動嘅時間」。全部乘客通過登機口後，飛機離場前仲需要做最終重量平衡計算同安全確認等程序，所以登機截止時間一定設喺起飛時間之前。
阿經計過： 10月25日之後坐 SkyMark，切記喺航班起飛前10分鐘之前完成登機，唔好卡時間。
阿經｜日本正經
